Оркестар на Охридско лето

Оркестарот на Охридско лето е резидентен ансамбл што секое лето собира околу седумдесет музичари од македонските оркестри и од дијаспората. Ансамблот ги изведува свеченото отворање и затворање на фестивалот, оперските продукции и големите симфониски дела.

Во последните сезони оркестарот посебно внимание посветува на македонските композитори, со праизведби на дела нарачани од фестивалот.